ភ្នំពេញ៖ ក្រសួងវប្បធម៌ និងវិចិត្រសិល្បៈ នឹងបើកវគ្គបណ្តុះបណ្តាលជំនាញដូនតា រួមមាន ខ្មុកស្មាច់ ចម្លាក់ប្រាក់ ស្ពាន់ ចម្លាក់ស្បែក ចម្លាក់ថ្ម តម្បាញក្រមាក្រុំ ស្មូនឆ្នាំង ផលិតឧបករណ៍ភ្លេង តម្បាញសូត្រ គំនូរពណ៌ គំនូរបុរាណ និងចម្លាក់ស្មិត ដោយឥតគិតថ្លៃចាប់ពីខែកុម្ភៈនេះតទៅ នៅទីតាំងចំនួន១៣ ក្នុង៨រាជធានីខេត្ត។

ក្នុងសេចក្តីជូនដំណឹងបញ្ជាក់ថា សិស្សដែលមកពីគ្រួសារក្រីក្រដែលមានបណ្ណសមធម៌ និងគ្រួសារងាយរងហានិភ័យដែលមានបណ្ណសម្គាល់គ្រួសារងាយរងហានិភ័យនៅក្នុងព្រះរាជាណាចក្រកម្ពុជា នឹងទទួលបានប្រាក់ឧបត្ថម្ភចំនួន២៨ម៉ឺនរៀលក្នុងមួយខែ តែត្រូវបំពេញលក្ខខណ្ឌសិក្សាឱ្យបានត្រឹមត្រូវជាមុនសិន។

សាធារណជន ពិសេសយុវជនដែលមានបំណងចង់សិក្សាជំនាញខាងលើ អាចទាក់ទងមកលេខាធិការដ្ឋានបណ្តុះបណ្តាលជំនាញវិជ្ជាជីវៈដូនតាពីថ្ងៃចន្ទ ដល់ថ្ងៃសុក្រ រៀងរាល់ម៉ោងធ្វើការតាមរយៈលេខទូរសព្ទ 0១៧ ៤៣១ ៣០២/ ០៨៨ ៨៥៣ ៥៦៣៦ និង០៩៦ ៥២២ ៧៣៦៩ ឬទាក់ទងតាមតេឡេក្រាម ០១៧ ៤៣១ ៣០២ អ៊ីម៉ែល tstmcfa@gmail.com facebook៖ កម្មវិធីបណ្តុះបណ្តាលជំនាញវិជ្ជាជីវៈដូនតា៕